Soltero pilason matapos na-aksidente sa ginamaneho nga motorsiklo sa banwa sang Sapian

SAPIAN, CAPIZ – Pilas sa nawala nga tiil kag kamot ang na-angkon sang isa ka soltero matapos na-aksidente sa ginamaneho nga motorsiklo takna 5:20 sang hapon, Marso 18 sa Sitio Proper, Barangay Majanlud, Sapian, Capiz.

Ginkilala ang napilasan nga si alyas ‘Reymart’ residente sang nasambit nga lugar.

Sa nakuha nga impormasyon sang Bombo Radyo, ginapahayag na-side swipe sang motorsiklo ang naga-park nga pick-up kag dumiretso bunggo sa poste sang solar.

Gilayon naman nga ginrespondehan sang mga nakakita ang biktima kag ginpadangat sa isa ka pribado nga ospital.

Sa karon, nagapabilin sa kustodiya sang kapulisan ang mga nadalahig nga behikulo para sa nagakaigo nga disposisyon.