PONTEVEDRA CAPIZ – Nagdangat sa kapin P180,000 ang halit nga ginbilin sang sunog nga nagluntad sa Barangay Ilawod, Pontevedra, Capiz kahapon nga adlaw, Hunyo 3, 2025 takna las 8:30 sa gab-I.
Ang amu nga establisyemento ang ginapanag-iyahan ni Michael John Alianza, 29 anyos kag pumuluyo sang nasambit nga banwa.
Sa interview sang Bombo Radyo kay Fire Officer 1 Jojie Distor, Imbestigador sang Bureau of Fire Protection Pontevedra, ginpahayag nga isa ka establisyemento sa bahin sang Pontevedra Public Market ang nasunog kun sa diin sa sulod sini may duha ka mga billiard boards.
Dugang pa sini, maswerte naman nga wala naglapta pa sa kaiping sini nga mga establisyemento ang amo nga sunog bangud nga may firewall ini kag madasig naman nga napalong sang mga bombero.
Nahibaluan nga gindeklara nga fireout ang amon nga sunog takna alas 9:05 sa gab-I.
Samtang, padayon pa sa gihapon ang imbestigasyon sang mga bombero angut sa nasambit nga sunog agud hibaluon kun ano ang gintunaan sini.
Nagpanmugyan naman ang Imbestigador sa mga pumuluyo nga permi I-tsekyar ang posible nga tunaan sang sunog kaangay sang abuhan kag linya sang kuryente.
