Nagbalik na sa normal ang supply sang tubig sa Roxas City matapos ang na-eksperyensyahan nga temporary water interruption sa Barangay Lawaan, Sibaguan kag Dinginan sang nagligad nga Enero 31.
Sa interview sang Bombo Radyo kay Mr. Mark Vincent Bernas, Information Officer sang Metro Roxas Water District, iya ginpahayag nga ang rason sang pagkadula sang supply sang tubig amo bangud may yara sang gin-install nga Fire Hydrant sa Dinganan kag Blow-off sa Lawaan.
Suno kay Bernas, may yara man kun kaisa sang mga water interruption nga ang rason amo ang construction nga ginahimo sang private company.
Pahayag niya, may mga tion man nga kun kaisa indi maka-announce sang water interruption bangud may yara sang emerhensya sa diin kinahanglan ini nga tapuson sang madasig.
Gina-engganyo sang natungdan nga i-report sa Metro Roxas Water District kun may yara sang concern nahanungod sa tubig agud mahatagan sang tikang kag mapadal-an sang technician sa pagtinlo sang linya.
