ROXAS CITY – Blangko pa ang kapulisan kun sin-o ang mga suspek nga responsable sa pagtiro-patay sa isa ka mangunguma nga ginlubong sa duta kag may igo sang luthang sa dughan, abaga kag ulo nga naglapOs sa baba sa Sitio Malansa, Barangay Abangay, Tapaz, Capiz.
Ginpahayag ni Punong barangay Roel Rosales sang Barangay Abangay, Tapaz nga nakita si Jerry Ulog sang Barangay Roxas Otso, Tapaz sang Hinuptan nga ido nga kaupod sang mga himata sang biktima nga nagpangita diri matapos nga wala makapauli gikan sa pagpangayam sa katalunan.
Ba-se sa pagpangusisa sang opisyal sang adlaw nga wala nakapauli si Ulog, nakabati sang mga lupok sang armas ang pila ka nagapanapas sang mais sa lugar.
Nakita sa ginluntaran sang krimen ang basiyo sang .38 kalibre nga armas kag 12 gauge shotgun.
Samtang wala sang anuman nga rekord sa barangay ang biktima, apang ginapatihan nga away sa pamilya ang motibo sa krimen, sa diin posible nga ginsundan na si Ulog kag may plano na nga patyon ini.
Sa karon yara na sa isa ka punerarya ang bangkay sang biktima.
