ROXAS CITY-Nagapabilin nga atlarge ang lalaki nga responsable sa pagbuno sa 21-anyos nga estudyante samtang naga-ihi sa isa ka bilasyonan sa Barangay Poblacion-Ilaya, Dumarao, Capiz.
Ginkilala ang biktima nga si Aren Pardilla sang Barangay Bungsuan sang nasambit nga banwa.
Matandaan nga sandig sa insyal nga imbestigasyon sang Dumarao Municipal Police Station nagaguha nga natabo ang insidente sa isa ka bilasyonan kun sa diin samtang nagapangihi ang biktima, hinali na lamang ini nga ginpalapitan sang suspek nga si Jonel Coronado 27-anyos sang amo man nga lugar kag gin-ayad buno.
Nag-angkon sang pilas sa leog, abaga, tiyan kag likod ang biktima nga gilayon naman nga gindala sa Iloilo Provincial Hospital kag padayon nga ginabulong.
Sa karon padayon pa nga gina-ayam sang mga kapulisan ang amo nga suspetsado.
