ROXAS CITY – Gindala sa ospital ang ginatudlo suspek sa pagbuno-patay sa isa ka 14-anyos nga dalagita sa Barangay Poblacion Sur, Ivisan, Capiz matapos ginaalegar nagtuyo utason ang kabuhi pinaagi sa pag-inom sang hilo.
Ini ang ginpahayag ni Saldo Aragon, tag-iya sang balay kun sa diin nadakpan ang suspek sang mga kapulisan.
Suno kay Aragon, nagpadulong sa ila balay ang suspek nga si Louie Lipalim agud magpangayo sang bulig nga maka-surrender sa kapulisan.
Gilayon man ini nga nagtawag sang responde sa Ivisan PNP bangud sa kahadlok ilabi na nga ginsiling sang suspek nga ginaalegar nag-inom ini sang wala pa mabal-an nga sahi sang hilo.
Dugang pa ni Aragon, nga nagapangluya na sang nag-abot ang suspek sa ila balay kag nagapalanuka.
Sa karon, padayon nga ginatatap ang suspek sa ospital.
