SAPIAN CAPIZ – Boluntaryo nga nagsungka ang suspek sa pagpatay sa isa ka senior citizen nga nasapwan sa iya mismo nga puluy-an sa Sitio Bulon, Barangay Bilao, Sapian, Capiz.
Suno sa imbestigador sang Sapian Municipal Police Station nga si PMSG Louie Banate, ginpahayag nga personal nga nagpadulong sa ila talatapan kaupod ang himata ni alyas Drego suspek sa insidente.
Pahayag sang suspek nga na-impito ini sa biktima matapos ginsukmaan nga ngaman masami ini naga-agi sa ila lugar kabangdanan agud magtulod sa iya agud balikan ang biktima pagkagab-i.
Mahibaluan nga yara sa impluwensya sang makahulubog nga ilimnon ang suspek sang makomiter ang krimen.
Matandaan nga wala na sang kabuhi ang biktima nga si Dionila Doroteo, 71-anyos kag residente sang nasambit nga lugar sang makit-an nga nagahigda sa puluy-an kag nagapaligo sa kaugalingon nga dugo sadtong Setyembre 10, 2024.
Sa karon, temporaryo nga ginhilway sa karsel ang suspek matapos magtakop ang reglementary period sini.
