SAPIAN, CAPIZ – Dakop ang 26-anyos nga suspek sa pagpatay sa isa ka senior citizen sa Sitio Bulon Barangay Bilao, Sapian, Capiz.
Ginkilala ang suspek nga si alyas Drigo, 25-anyos nga residente sang Brgy. Bilao, Sapian, Capiz.
Wala na makapalagyo pa ang suspek sang ginserbehan sang warrant of arrest sang mga kapulisan sa Brgy. Man-op, Altavas, Aklan.
Mahibaluan nga nagapangatubang sang kaso nga Homicide ang suspek nga ginatudlo nga naglampos-patay sa 71-anyos sini nga tiya nga ginkilala kay Dionela Doroteo.
Madumduman nga sang Setyembre sini nga tuig nasapwan nga wala na sang kabuhi ang tigulang sa iya puluy-an kag duguon bangud sa naangkon nga patal nga pilas sa ulo.
Sa karon yara na sa kustodiya sang Sapian PNP ang suspek para sa nagakaigo nga disposisyon kag natalana nga ipaatubang sa korte.
