Roxas City-Ginbawian na sang kabuhi samtang ginabulong sa ospital ang isa ka matadero nga ginlampusan sang binis-ak nga kahoy sa Maayon public market.
Ginkilala ang biktima nga si Meljohn Villanueva sang Poblacion Ilawod, Maayon, Capiz nga ginpadangat sa ospital bangud sa naangkon nga samad.
Nahibaluan nga nag-abot ang biktima sa merkado publiko sang banwa sang Maayon sakay sa iya magahud nga topdown nga tricycle nga ginakargahan sang iya baligya.
Natabuan nga nakabugtaw ang suspek nga si Roly de Juan 34-anyos sang Barangay East Villaflores, Maayon nga nagatulog sa merkado.
Gilayon sini ginpalapitan si Villanueva kag diri nagluntad ang pagbaisay kag indi pag-intiendihanay sang duha tobtob nagkuha sang binis-ak nga kahoy ang suspek kag ginlampusan sa agtang kag iban nga parte sang lawas ang biktima.
