ROXAS CITY – Nagsuhestyon ang isa ka tag-iya sang flowershop sa balay Capiznon, Mckinley St., Roxas City nga kun mahimo iban naman nga bulak ang baklon magluwas sa rose, nga igahatag sa ila pinalangga sa nagahilapit nga Valentines’ day.
Sa interview sang Bombo Radyo kay Bebeng Dela Peña sang ‘Bebeng’ flowershop, ginpahayag sini nga bangud mahal ang bulak nga rose, kag sa baylo nga rose, mahimo man makahatag sang astro, stargazer ukon tulips, bangud medyo barato ang mga ini ikumparar sa rose.
Dugang pa sini nga nagmahal sa karon ang presyo sang bulak, bangud nagadepende sila sa ila supplier nga nagikan pa sa Baguio.
Yari ang presyo sang mga bulak anum ka adlaw antes ang selebrasyon sang Valentine’s Day sa Pebrero 14:
Roses – P1,500 (bouquet), P100 – 1 piece
Carnation – P1,200 (bouquet)
Tulips – P550 (bouquet)
Sunflower – P500 – 1 piece with arrangement
Stargazer – P550 (bouquet)
Astro – P1,000 (bouquet)
Indi man sini makahambal sa karon kun magapataas pa sila sang presyo samtang nagahilapit ang adlaw sang mga tagipusuon
