ROXAS CITY – Nagpalab-ot sang reklamo sa talatapan sang Dumarao Municipal Police Station ang isa ka residente sang Sitio Calaga, Barangay Sagrada Familia, Dumarao, Capiz matapos may yara sang nagapinalupok nga armas-luthang sa ila lugar.
Ginkilala ang tagreklamo nga si Tomasito Guanzon, 53-anyos, panday kag residente sang nasambit nga lugar samtang ang ginatudlo nagpinalupok ang ginkilala naman kay Abraham Pamplona, 35-anyos, tag-iya sang poultry kag residente sang Barangay San Antonio, Lemery, Iloilo City.
Sa impormasyon nga nakuha sang Bombo Radyo sa Dumarao Municipal Police Station, ginapahayag nga 9:00 sang gab-i sang nagpinalupok sang armas luthang nga .45 caliber pistol si Pamplona kag nagasininggit sa atubang mismo sang puluy-an ni Guanzon sakay sa iya motorsiklo kung sa diin ginasiling sini nga “kon magsarado gani poultry namun, patyon gid kamo”.
Mahibaluan una na nga ginreklamo si Pamplona bangud sa poultry sini nga mabaho kung sa diin madamo nga mga residente ang na-apektuhan.
Ginpahayag nga si Guanzon ang nagreklmao sang iya poulty rason nga nakalab-ot ini sa kahanginan.
Narekober sa lugar ang 8 ka basyo sang bala sang .45 caliber pistol.
Sa karun padayon pa ang imbestigasyon sang mga kapulisan angut sa insidente.
