Nagsaka ang numero sang mga turista nga Taiwanese nga nagbisita sa Pilipinas sang 2025, nga naglab-ot sa 213,928, nagsaka sang 6.32% kun ipaanggid sa 201,203 sadtong 2024, suno sa Department of Tourism (DOT).
Ginaangot sang DOT ang pagtaas sa visa-free entry program, mas maayos nga connectivity sa palibot, kag pinakusog nga promosyon sang pungsod sa Taiwan. Ang mga nagapanguna nga destinasyon sang mga Taiwanese amo ang Boracay, Palawan, kag Cebu, subong man ang cruise, MICE activities, kag English language programs.
Suno kay Chriselle May Yambao, Tourism Attaché sa Taiwan, ginpamatud-an sin inga mabakod ang demand para sa mga destinasyon sang Pilipinas kag padayon nga nagabalik ang mga Taiwanese traveler sa pungsod.
Umpisa Hulyo 1, 2025, ginpasugtan nga makasulod ang mga Taiwanese sa Pilipinas nga wala sang visa sa sulod sang 14 ka-adlaw bilang reciprocation sa visa-free entry sang Pilipinas para sa mga Pilipino nga turista sa Taiwan.
