ROXAS CITY – Arestado ang tatlo ka mga persona matapos madakpan sang mga kapulisan nga nagapatigayon sang ilegal nga bulang sa Sitio Bagaas, Barangay Malocloc Norte, Ivisan, Capiz.
Ginkilala ang mga nadakpan nga sanday Oliver Balboa, 27 anyos sang Barangay Bago Chiquito, Panay; Salvador Amosin, 37 anyos sang Barangay Malocloc Norte, Ivisan; kag isa ka menor de edad.
Narekober sa mga ini ang duha ka mga manok pambulang, duha ka mga bulang kag P1, 200 nga kwarta nga gintaya sa ilegal nga aktibidad.
Sa karon, yara na sa kustodiya sang Ivisan Municipal Police Station sanday Balboa kag Amosin samtang ginturn-over naman sa Women and Children Protection’s Desk (WCPD) ang menor de edad nga nadakpan.
Ang nasambit nga ilegal nga aktibidad ang paglapas sa Presidential Decree 449 ukon Cockfighting Law.
