ROXAS CITY – Arestado ang isa ka teenager sa ginkasa nga drug buybust operation sang mga katapo sang Provincial Drug Enforcement Unit (PDEU) sang Capiz Police Provincial Office (CPPO) sa Katipunan Village, Barangay Lawaan, Roxas City.
Ginkilala ang naaresto nga si Sandrex Warren Salazar, 19 anyos, residente sang Barangay Lagdungan, Tapaz, Capiz.
Sa interview sang Bombo Radyo kay Police Lieutenant Mark Anthony Garcia, team leader sang PDEU, ginpahayag sini nga narekober sa suspek ang 16 ka sachets sang shabu, P500 nga buybust money, boodle money kag cellphone.
Ginapahayag nga madugay nga ginpaidalom sa monitoring ang suspek antes ginkasa ang nasambit nga operasyon.
Nahibaluan dugang nga nag-untat sa iya pag-eskwela ang suspek bangud sa iya pagduso sang ilegal nga droga.
Sa karon, magapangatubang ang suspek sa kaso nga paglapas sa Republic Act 9165 ukon Comprehensive Dangerous Drugs Act of 2002.
