Tensyon sa Middle East, ginatudlo nga rason sang pagsaka sang presyo sang mga balaklon sa bilog nga kalibutan- IMF

Nagpahanumdom ang World Bank, International Monetary Fund kag World Food Programme nga ang gyera sa Middle East amo ang rason sa pagsaka sang presyo sang langis, gas kag abono, nga nagaapekto man sa presyo sang mga pagkaon.

Base sa statement nga ginpagwa, pinakaapektado amo ang mga imol kag ang mga pungsod nga nagasalig lang sa imported nga pagkaon, ilabi na gid ang mga low-income nga pungsod.

Apisar nag-anunsyo si U.s Pres. Donald Trump sang duha ka semana nga ceasefire sa tunga sang US kag Iran, nagapadayon gihapon ang kabalaka bangud sa mga pag-atake sa Lebanon kag sa mga oil facilities sa Gulf.