ROXAS CITY – Patay na nga nasapwan nga nagalutaw sa punong ang 71-anyos nga tigulang sang isa ka umalagi sa Barangay Consolacion, banwa sang Dumalag, Capiz.
Ginkilala ang biktima nga si Jose Abledas sang Pasig City nga nagabakasyon lamang sa nasambit nga barangay kaupod ang asawa kag anak.
Nahibaluan nga sang Mayo 11, 2019 lamang sang nag-abot sa Dumalag ang pamilya Abledas para magbakasyon.
Ba-se sa imbestigasyon sang mga pulis nagakatulog ang magpamilya sang gab-I sang mabatyagan sang asawa sang biktima nga wala na ang bana.
Naagahan sila sa pagpangita sa biktima tobtob gintundaan nga may nakita nga patay nga nagalutaw sa punong sa diin sang ila tsekyaron ila nakumpirma nga ini na ang ila ginapangita nga himata.
Nahibaluan nga may yara sang alzheimer’s disease ang biktima kag ginapatihan nga nagguwa ini sa ila balay sang nagakatulog ang tanan kag aksidente nga nadanlog tobtob nalumos kag napatay.
Nagapati ang pamilya ni Abledas nga wala sang foul play sa kamatayon sini.
