Patay ang 18-anyos nga lalaki samtang nagapabilin nga kritikal ang kahimtangan sang iya duha ka manghod matapos brutal nga ginpangbuno sang ila nga tiyo sa Barangay Owak, Asturias, Western Cebu.
Ang suspek amo si George Batomalaque, 46-anyos nga madasig nga nadakpan matapos magpatigayon sang operasyon ang Asturias Municipal Police sa Barangay Vito, Balamban, kun sa diin nag-surrender ini sa isa ka lokal nga opisyal, samtang ang biktima amo si Kyle Padilla, 18-anyos nga gindeklarar nga patay na sang nag-abot sa ospital sa Cebu City bangud sa mga igo sang mga buno gamit ang 12 ka pulgada nga kutsilyo.
Ang mga utod naman ni Kyle nga ginkilala sa mga alyas nga “Gerald,” 10-anyos, kag “Princess,” 8-anyos, nagapabilin nga kritikal ang kahimtangan sa ospital bangud sa naangkon nga mga buno sa lawas.
Base sa inisyal nga imbestigasyon sang pulisya, nagakatulog ang mga biktima sa ila nga kwarto sang atakehon sila sang suspek.
Nakapalagyo Si Princess apisar may igo ini sang buno kag nagpangayo sang bulig sa mga kasilingan.
Nagpalagyo pa ang suspek antes nag-abopt ang mga pulis kag mga emergency responder agud maghatag sang bulig sa mga biktima.
Nag-angkon ang tatlo sang pilas sa ulo, agtang, likod, kag nagkalain-lain nga bahin sang lawas kun sa diin si Kyle ang nakaagom sang pinakapatal nga pilas nga nangin rason sang iya nga kamatayon.
Ginpahayag sang mga imbestigador sang pulisya sang Asturias nga ang suspek may madugay na nga kaakig kay Kyle, nga iya ginadudahan nga may relasyon sa iya asawa apisar nga hinablos niya ini.
Nakakuha man ang pulisya sang mga report nga may mga daan na nga hiligut-anon ang suspek batuk sa amay sang mga biktima, nga posible nangin rason sang iya nga motibo.
Detain karon sa Asturias Municipal Police Station ang suspek kag nagapangatubang sa mga kaso nga murder kag frustrated murder.
