DAO, CAPIZ – Patay ang 65-anyos nga tiyo matapos nga ginlabo sang iya kaugalingon nga gumangkon sa Sitio Bombahan, Barangay Balucuan, Dao, Capiz.
Ginkilala ang biktima nga si Jose Villas, 65-anyos kag residente sang amo nga lugar.
Base sa inisyal nga imbestgasyon sang Dao Municipal Police Station, magkaupod nga nag-inom ang biktima kag ang suspek nga si Jomarie Legaspi, 45 anyos sang sila ang nagbinaisay sa wala mahibaluan nga rason.
Bangud sa init sang komprontasyon sang duha, una nga ginlabu sang biktima ang iya gumangkon nga naigu sa butkon kag guya.
Bangud diri, nagbalos sang labu ang gumangkon sini gamit ang wasay kun sa diin naigu ang biktima sa liog.
Gilayon nga gindala sa Dao District Hospital ang biktima apang gindeklarar nga dead on arrival.
Samtang si Legaspi ang gindala sa Mambusao District Hospital kag padayon nga ginabulong.
