TMU, padayon nga nagapangdakop sang mga motorsiklo nga naka-open muffler; wala pagsuksok sang helmet may pinakadamo nga datos

ROXAS CITY – Padayon sa gihapon nga nagapangdakop ang katapo sang Traffic Management Unit (TMU) may kaangtanan sa mga motorsiklo nga naka-open muffler sa probinsya sang Capiz.

Sa interview sang Bombo Radyo sa Head sang Traffic Management Unit (TMU) nga si Mr. Gonzalo Andrada, ginpahayag sini nga base sa ila datos may yara pa lamang sila sang 5 ka mga indibidwal nga nadakpan nga nagagamit sang open muffler.

Suno kay Andrada, ini bangud tubtob alas 8:00 lamang sang gab-i ang ila operasyon kung sa diin maglapaw sa ila oras diri kalabanan nagaguha ang mga motorsiklo nga nagapukaw kag naga-isturbo sa publiko.

Mahibaluan nga may yara sang penalidad ang madakpan nga nagagamit sang open muffler nga tambutso kung sa diin ang 1^st offense P100.00, 2^nd offense P200.00 kag 3^rd Offense naman ang P300.00.

Ginpahayag man sang Head nga posible wala naga-untat ang mga motorista sa paggamit sini bangud magamay lamang ang penalidad.

Dugang pa ni Andrada nga sa umpisada sa bulan sang tuig nakapagkit na sila sang may pinakamadamo nga nadakpan sa mga motorista kag angkas nga wala nagasuksok sang helmet.

Panugyan sini sa publiko nga mangin responsible nga driverkag magsunod sa layi trapiko.