Nadakpan sang otoridad sa Brgy. Malubon, Sagay City, Negros Occidental ang ginakabig Top 1 Most Wanted Person Municipal Level sa banwa sang Cuartero, Capiz.
Ginkilala ang akusado nga si alyas Jake, yara sa legal nga pang-edaron kag residente sang Poblacion Takas, Cuartero, Capiz apang temporaryo nga nagapuyo sa Brgy. Malubon, Sagay City, Negros Occidental.
Nagapangatabang ang akusado sang kaso nga 2 counts sang Crime of Frustrated Murder kun sa diin ang warrant of arrest ginpapanaog ni Hon. Sesinio Navales Belen Jr. Presiding Judge, MTCC, 6th Judicial Region, RTC Branch 15, Roxas City Capiz nga napetsahan Marso 7, 2025.
Naglab-ot naman sa P120,000 ang ginrekomendar nga piyansa sang korte para sa temporaryo nga kahilwayan sang akusado.
Sa karon, nagapabilin ini sa kustodiya sang kapulisan para sa nagakaigo nga disposisyon.
