Dakop ang ginakabig nga Top 2 Most Wanted Person sa City level matapos ginserbihan sang warrant of arrest sa Barangay San Rafael, Madurriao, Iloilo City.
Ginkilala ang akusado kay alyas Antonette, 23-anyos, residente sang Brgy. Bakhaw, Iloilo City kag Malipayon Village, Barangay Tiza, Roxas City.
Sandig sa impormasyon nagikan sa Roxas City PNP nagapangatubang sa kaso nga R.A 10883 ukon New Anti-Carnapping ang akusado.
Samtang ang warrant of arrest ang ginpapanaog kag ginpirmahan ni Presiding Judge Kristine B. Tiango-Vinculado, sang Regional Trial Court, Branch 16, Roxas City, Capiz, nga napetsahan sadtong Enero 10, 2024
Ginrekomendar naman sang korte ang P200,000 nga piyansa para sa temporaryo sini nga kahilwayan.
Sa karon, yara na sa paghinakop sang Roxas City PNP ang akusado para sa nagakaigo nga disposisyon.
