PILAR CAPIZ – Dakop ang ginakabig Top nine (9) Most Wanted Person sa Provincial Level sa Barangay Dulangan, Pilar Capiz.
Ginkilala ang arestado kay Sonny Bonsato, 50-anyos, mangunguma kag residente sa nasambit nga lugar.
Sa impormasyon nga nakuha sang Bombo Radyo nagikan sa Pilar Municipal Police Station, ginpahayag sini nga natigayon nga madakpan si Bonsato pinaagi sa gintingub nga pwersa sang Pilar MPS, Provincial Intelligence Unit (PIU), Provincial Intelligence Team (PIT) 1st CPMFC 4th Maneuver Platoon, Capiz PPO.
Ang warrant of arrest ang gin-isyu kag ginpirmahan ni Hon. Esperanza Isabel E. Poco Deslate, Presiding Judge , RTC, Sixth Judicial Region , Branch 19 , Roxas City, Capiz kag napetsahan Setyembre 18, 2024.
Sa karun nagapabilin sa paghinakop sang Pilar Municipal Police Station ang nadakpan para sa nagakaigo nga disposisyon kag natalana nga i-turn over sa court of origin.
