ROXAS CITY – Nagpabalhag sa Roxas City PNP ang isa ka traffic enforcer matapos gina-alegar ginhampak sang butong sang isa ka persona nga may deperensya sa paminsaron sa Fuentes Drive, Roxas City subong nga adlaw Pebrero 8, 2022.
Ginkilala ang biktima kay Jonathan Dela Cruz, kag wala man nakilal-an ang nasambit nga may diperensya sa paminsaron.
Sa pagpakig-angut sa Bombo Radyo Roxas sang biktima, suno diri nakasugata niya ang amo nga persona nga may dala nga butong kag posible nga ginkuha sa ginakabitan sang tarpaulin sang mga kandidato kag gulpi na lamang ini nga ginhampak sang makatatlo ka beses rason nga wala ini nakapanginlaman.
Bangud diri, nag-angkon sang pilas kag gaub sa itsura kag siko ang amo nga traffic enforcer.Ginpakamaayo na lamang sini nga ipabalhag sa RCPS ang hitabo apisar wala na nagalaom nga mapasabat ang may kahimuan sa iya.
