Posible nga magasugod sa masunod nga tuig ang trial proper para kay anay Presidente Rodrigo Duterte nga nagapangatubang sang kaso nga crimes against humanity sa International Criminal Court (ICC).
Suno sa ICC-accredited lawyer nga si Gilbert Andres, apisar nga madamo ang interesado nga gilayon sugdan ang trial batok sa anay presidente, ginpahayag sini nga dapat sundon ang due process para sa iya.
Suno sa iya, dapat pamatud-an sang piskalya nga may bastante nga rason agud sugdan ang pagbista batuk sa anay presidente.
Natalana sa Setyembre 23 ang confirmation of charges hearing batuk kay Duterte kag diri ginalauman nga magarepresentar ang prosecution panel sa duha ka testigo kaupod ang iban pa nga mga ebidensya nga natipon agud i-emphasize ang hingyo nga dapat bistahon ang napreso nga anay opisyal.
Matapos ang hearing sa Setyembre 23, hatagan sang duha ka bulan (60 ka adlaw) ang Pre-Trial Chamber agud tun-an ang mga ebidensiya nga ginpresentar tubtub nga makagwa ini sang resolusyon kon bala magapadayon ang trial ukon lubos nga ma-abswelto ang anay presidente.
Kon magpadayon ang trial, mahimo suno sa iya nga magsugod ang trial sa Enero kag Pebrero sang masunod nga tuig ukon sa una nga bulan sang 2026.
