ROXAS CITY – Arestado ang isa ka truck driver matapos maserbihan sang warrant of arrest sa Pueblo de Panay, Barangay Lawaan, Roxas City.
Ginkilala ang nadakpan kay alyas “Andy”, 42-anyos kag residente sang Barangay Anjawan, Duenas, Iloilo City.
Sandig sa impormasyon nga nagikan sa Roxas City PNP, natigayon nga madakpan si alyas “Andy” pinaagi sa gintingub nga pwersa sang 1st Capiz Provincial Mobile Force Company kag Capiz PIU Tracker Team.
Ang nasambit nga persona may kaso nga Qualified Theft kung sa diin ang warrant of arrest ang gin-isyu kag ginpirmahan ni Hon. Sesinio Navales Belen, Jr. Presiding Judge, Regional Trial Court, Branch 15, Roxas City kag napetsahan Disyembre 9, 2024.
Samtang, ginrekomendar naman sang korte ang P30, 000.00 nga piyansa para sa temporaryo sini nga kahilwayan.
Sa karun, nagapabilin ini sa kustodiya sang Roxas City PNP para sa nagakaigo nga disposisyon.
