Gintawag ni U.S. President Donald Trump nga isa ka “significant step” ang hagna nga 45 ka-adlaw nga untat-lukpanay sa Iran, apang ginpanindugan niya nga indi pa ini bastante agud nga dalayon nga masolbar ang kinagamo.
Suno kay Trump, padayon pa ang negosasyon sa tunga sang mga nagkalain-lain nga bahin kag wala pa sang kasiguraduhan sa mangin resulta. Gindugang man niya nga mas “reasonable” ang sa subong nga liderato sang Iran kun ipaanggid sa mga nauna.
Samtang, ginpadala na ang ceasefire proposal sa pareho nga Estados Unidos kag Iran bilang katapusan nga tikang agud malikawan ang mas lapnagon nga pag-atake sa mga imprastraktura sang Iran.
Subong man, ginsiling sang Iranian Foreign Ministry nga ang nasambit nga hagna ang wala nagasanto sa ila nga pungsodnon nga interes.
