Una nga adlaw sang Voters Registration para sa 2025 Barangay kag Sangguniang Kabataan Elections, nangin madinalag-on

CAPIZ– Nangin madinalag-on ang pagsugod kahapon sang voters registration para sa Barangay kag Sangguniang Kabataan Elections (BSKE) kahapon nga adlaw, Agosto 1, 2025.

Gindugukan ini sang mga botante sa nagkalain-lain nga registration centers sang Commission on Elections (COMELEC).

Ginapanawagan sang COMELEC ang tanan nga kwalipikado nga botante, ilabi na ang mga kabataan nga maga-edad 15 anyos tubtob 30 anyos sa adlaw sang eleksyon, nga magparehistro antes matapos ang registration period.

Ginalauman nga padayon ang pagdagsa sang mga aplikante sa mga opisina kag registration sites sang COMELEC.

Magalawig ang voter registration para sa 2025 BSKE humalin Agosto n1 tubtob Agosto 10, 2025.