ROXAS CITY- Naghatag sang aksyon ang pamunoan sang isa ka unibersidad sa syudad sang Roxas angut sa naglapta nga sex video nga gindalahigan sang isa ka estudyante.
Nagpanugyan ang pamunoan sa mga estudyante sang buluthuan nga untaton na ang pagpang-bully sa iban pa nga mga estudyante nga nga nadalahig sa mga kontrobersiya.
Nagkaisog nga magpalapit sa Bombo Radyo Roxas ang isa ka estudyante sang isa ka unibersidad sa syudad sang Roxas, bangud indi na niya masarangan ang pagbully sa iya sa eskwelahan.
Nagalain naman ang buot ni alyas Nene bangud sa ginaakusahan ini nga siya ang babaye sa nagalapta nga sex scandal sa ila buluthuan.
Samtang, sa impormasyon nga nakuha sang Roxas City PNP may yara na sila sang natumod nga mga persona nga yara sa likod sang nasambit nga hitabo.
Apang, ginapahayag nga nakabiya na ang mga ini sa syudad.
