Nagdesisyon ang US appeals court nga kalabanan sa mga taripa nga ginapatuman ni US President Donald Trump sa mga pungsod ang illegal.
Ang amo nga desisyon makita nga makaapekto sa reciprocal tariffs ni Trump nga ginpatuman sa kalabanan nga mga pungsod sa bug-os nga kalibutan subong man sa iban pa nga mga taripa nga ginpatuman sa China, Mexico kag Canada.
Sa desisyon sang US Court of Appeals for the Federal Circuit, ginpamatukan sini ang argumento ni Trump nga otorisado ang taripa sa idalum sang Emergency Economic Powers Act kag gintawag ini nga invalid bangud supak ini sa kasuguan.
Nalakip sa 127-pahina nga desisyon amo nga ang International Emergency Economic Powers Act wala nagasambit sang mga taripa ukon kulang sang mga pangamlig sa pamaagi nga nagaunod sang maathag nga mga limitasyon sa gahum ni Trump sa pagpatuman sang mga taripa.
Gani suno sa iya, padayon nga yara sa kamot sang Kongreso sang Estados Unidos ang gahum sa pagpatuman sang buwis kag taripa kag indi mahimo nga dulaon paagi sa kasuguan.
Ang desisyon indi mangin epektibo tubtob Oktubre 14 agud mahatagan sang tion ang administrasyon ni Trump nga pangabayon ang Korte Suprema nga atubangon ang kaso.
