-- ADVERTISEMENT --
Nagpaandam ang US Embassy sa Pilipinas sa mga Amerikano nga pumuluyo batuk sa possible nga hublag-protesta kag demonstrasyon sa pungsod may kaangtanan sang padayon nga kinagamo sa Middle East.
Gin-abisuhan ang mga ini nga mangin alerto, sundon ang personal security measures, kag likawan nga magpartisipar sa mga protesta, bangud mahimo in inga kabigon bilang paglapas sa ila nga immigration status.
Ginganyat man sang embahada ang mga Amerikano nga mag-enroll sa Smart Traveler Enrollment Program agud makabaton sang mga alerto kag mas madasig nga matultulan sa oras sang emergency.
