Ginakonsiderar ni US President Donald Trump nga tugutan si Israeli Prime Minister Benjamin Netanyahu nga ipatigayon ang miltary action sa Gaza sa tion nga indi matuman sang Hamas ang ila saad sa ceasefire agreement.
Suno kay Trump, ang pwersa sang Israel ang mahimo makabalik sa Gaza sa tion nga magsiling siya.
Ginhimo sang Presidente sang Estados Unidos ang pahayag matapos gin-akusahan sang Israel ang Hamas nga wala nagasunod sa kasugtanan nga ibalik ang mga bihag, patay man ukon buhi, bilang kabahin sang kasugtanan nga tapuson ang giyera sa Gaza.
Matandaan nga sang Miyerkules, ginbalik sang Hamas ang tanan nga 20 ka buhi nga mga bihag nga Israeli, bisan pa, siyam lamang sa 28 ka mga bihag nga nadulaan sang ila kabuhi ang ginbalik sang Hamas.
Buot silingon may yara pa sang 19 ka wala ma-account nga mga bangkay.
Ginpaathag naman sang Hamas nga ginbalik nila ang tanan nga mga bilin sang mga bihag nga ila ma-access, samtang ang iban nga mga bangkay magakinahanglan sang specialist equipment sa pagpangita kag pagrekober.
