Gin-anunsyo ni US President Donald Trump nga ang Tehran may yara na lamang sang 48 ka oras agud makipag-deal ukon maga-atubang sang “all hell,”samtang ang Estados Unidos kag mga tropa sang Iran nagapatigayon na sang pagpangita sa nagtibusok nga U.S. airman.
Ang pamahog ni Trump kasunod sang paglupok malapit sa isa ka Iranian nuclear power plant nga nagtulod sa mga evacuations, kag mga report sang mga pag-atake sa rehiyon, lakip ang isa ka commercial ship sa Bahrain nga ginapatihan konektado sa Israel kag target sang Revolutionary Guards sang Iran.
Nagsugod ang inaway sang kapin isa ka bulan na ang nakaligad bangud sang mga pag-atake sang US-Israel sa Iran nga nagpasangkad sang tensyon sa bug-os nga Middle East, nga nag-apekto sa pangkalibutanon nga ekonomiya, ilabi na ang pagsirado sang Strait of Hormuz.
Matandaan nga sang Marso 21, una nga ginpahog ni Trump nga “obliterate”ang power plant sang Iran, sugod sa pinakadaku, kon indi pagbuksan sang Tehran ang Strait of Hormuz sa sulod sang 48 oras.
Apang subong gin-re-set ni Trump ang deadline nga matapos sa alas-8:00 sang gab-i sa Lunes (Martes sa Pilipinas).
