Ginmando ni US President Donald Trump ang kompleto kag lubos nga pagbalabag sa tanan nga sanctioned oil tankers nga nagasulod kag nagaguwa sa Venezuela.
Sa isa ka post, ginpahayag ni Trump nga ang gobyerno sang lider sang Venezuela nga si Nicolas Maduro gindesignar nga isa ka dumuluong nga terorista nga organisasyon kag gin-akusahan nga nagapangawat sang mga pagkabutang sang Estados Unidos subong man sang “Terrorism, Drug Smuggling, at Human Trafficking.”
Ginhimo ni Trump ang pahayag isa ka semana matapos nga nakumpiskar sang US ang isa ka oil tanker sa baybayon sang Venezuela.
Samtang, ginpahayag man ni Trump nga ginapalibutan sang Venezuela ang pinakadaku nga ‘Armada’ sa kasaysayan sang South America.
Matandaan, makapila ka beses nga gin-akusahan ni Trump ang Venezuela sang drug smuggling kag humalin pa sang Setyembre, tubtob sa 90 ka tawo ang napatay sang militar sang US sa ila pag-atake sa mga sakayan nga gina-alegar nagadala sang fentanyl kag iban pa nga ilegal nga droga sa US, apang ginpanginwala ini sa bahin sang Venezuela.
Sa subong, wala pa sang sabat ang Venezuela sa bag-o nga mga pahayag sang Presidente sang Estados Unidos.
