Gin-athag ni US Vice President JD Vance nga wala sila sang may nahimo nga kasugtanan sang Iran para sa serye sang negosasyon sa tunga sang Estados Unidos sang Amerika kag Iran sa pagpalawig sang ceasefire.
Suno kay Vance, may yara sang “substantive discussions” apang wala sang kasugtanan nga nalab-ot.
Ang pagsinapol naglawig sang kapin sa 21 ka oras halin Abril 11 tubtob Abril 12, kag gintambungan sang mga tiglawas gikan sa Estados Unidos sang Anerika, Iran, kag Pakistan.
Tinutuyo sang negosasyon nga palawigon ang ceasefire nga ginpatuman sang Pebrero 28 sa idalum sang Operation Epic Fury, matapos ang anum ka semana nga giyera sa Iran nga nagtuga sang malapad nga kahalitan kag krisis sa ekonomiya.
Suno sa mga report, ang mga sensitibo nga topiko nagalakip sang uranium enrichment program sang Iran, seguridad sa Strait of Hormuz, kag mga kondisyon para sa mas malig-on nga ceasefire.
Apisar sang kapaslawan, nagapabilin nga bukas ang posibilidad sang isa ka bag-o nga hugnat sang paghambalanay sa masunod nga mga semana.
Para sa Estados Unidos, ang posisyon nagapabilin nga malig-on nga indi magahatag sang kompromiso tubtob nga indi masabat ang mga mayor nga isyu sa seguridad kag nuclear program.
