-- ADVERTISEMENT --
ROXAS CITY- Nagbaliskad ang isa ka van matapos madulaan sang kontrol sa pagmaneho ang driver sa Barangay Bula, Mambusao, Capiz.
Ginkilala ang driver kay alyas “Ramil,” 47-anyos, kag residente sang , Manduriao, Iloilo City.
Sa impormasyon nga nakuha sang Bombo Radyo nagikan sa Mambusao Municipal Police Station,ginpahayag nga nagikan sa Kalibo, Aklan ang van kag padulong kuntani sa Iloilo, apang pag-abot sa lugar kun sa diin natabo ang aksidente, hinali nalang nga nadulaan sang kontrol ang driver sa pagmaneho rason nga nagbaliskad ang ginamaneho sini nga salakyan.
Samtang,wala naman nag-angkon sang pilas sa kalawasan ang nasambit nga driver.
