ROXAS CITY – Nagikan sa banwa sang Pilar ang napilian nga vice chairman sang League of Persons With Disability Affairs Officers of the Philippines sa persona ni Mr. Jubert Lago.
Sa interview sang Bombo Radyo kay Lago, nga malipayon ini bangud napilian ini sa amu nga posisyon kag bilang kadungganan.
Dugang pa sini, nga tinutuyo sang ini nga organisasyon nga marehistro kag mapahibalo ang mga katapo sang PWD’s sang ila kinamatarong.
Ginpahayag man sini nga sa karon may yara sang 16,000 ka mga registered PWD’s sa probinsya, kag nagapati ini nga may yara pa sang mga nahuya kag wala nakahibalo sang proseso agud makaparehistro.
Pagpunto sini nga indi dapat pag-ikahuya ang amu nga organisayon bangud may layi nga nagaprotektar sa ila.
Aminado man si Lago nga madugay man sini nga naintindihan ang ginalakipan nga grupo apang sa ng ulihe, nareyalisar sini nga masadya ang ila organisasyon.
