ROXAS CITY – Wala sang dokumento nga nagakabilin sa lamesa sang bise gobernador nga wala sini gina-aksyonan.
Ini ang ginpahayag ni Vice Governor James ‘Mitang’ Magbanua, may kaangtanan sa nangin pahayag ni board member Karen Palomar, nga sa iya talatapan nadugayan ang resolusyon nga nagapabalik sang Annual Investment Plan (AIP) sa Provincial Development Council (PDC).
Suno diri, nga halos adlaw-adlaw yara ini sa iya opisina agud mapasiguro nga tanan nga dokumento ang gina-aksyonan gid sini.
Dugang pa sini, nga wala sang may nagabasol kay Palomar apang kun lantawon, Oktubre 2021 pa ginrefer sa komitiba sang board member ang nasambit nga dokumento apang Nobyembre na sini naaksyonan kag Disyembre na sini napasa sa sesyon.
Matandaan nga ginsiling ni Palomar nga may bastante nga tion si Magbanua agud mapirmahan ang ila napapasar nga resolusyon sang ginpasa sini sang Disyembre 21, 2021, apang Enero 4, 2022 na sini gin-aksyonan.
