ROXAS CITY – Ginpatawag sang bise gobernador sang probinsiya sang Capiz ang mga Local Chief Executives sa kabanwahanan agud usisaon ang nabuyagyag nga mga proyekto sa ila lugar nga ila ginpangayuan sang pondo sa gobyerno probinsiyal sa pihak sang pag-exister na sini.
Ginpahayag ni Vice Governor Jaime ‘’Mitang’’ Magbanua nga may mga proyekto nga natukiban ang Sangguniang Panlalawigan nga may naga-exister na nga proyekto, apang ginlakip sa gihapon sa ginpangayuan sang pondo sang mga personnel sang Provincial Engineer;s Office (PEO).
Ginpasalamatan ni Magbanua ang mga alkalde nga nagtambong sa diin nangin maayo ang ila nga pagbayluhanay sang ideya.
Ginpasalig sang opisyal nga ila tselyaron ang mga ginasumiter nga mga proposed budget kag magahatag naman sang rekomendasyon kag findings ang Chairman sang Committee on Appropriations sa mga proposed budget nga na-istoryahan na sang provincial board.
Aminado si Magbanua nga kapoy na sila sa provincial board apang responsibilidad nila nga tsekyaron ang mga ginapangayo nga pondo sang kada departamento agud mapatuman ang mga proyekto.
Gin-athag ni Magbanua nga tuman pa ka damo ang mga departmento nga wala matsekyar sang provincial board ang mga ginaproponer nga pondo sa diin ang natapos pa gid lamang ang tanan nga mga ospital sa probinsya.
Ginatingguhaan sang provincial board nga matapos ang tanan nga mga departamento agud mapapasar ang 2020 proposed budget.
