Ginpakigbahin sang vlogger nga si Diwata nga gin-aresto siya bangud sa ginaalegar nga “non-compliance” sa iya pares business.
Sa isa ka video nga gin-upload, ginpahayag ni Diwata nga may yara sang arrest warrant batok sa iya.
Suno kay Diwata, wala ini sang may nabaton nga paandam ukon subpoena antes siya nga gindakop.
Dugang pa niya nga indi man siya dako nga negosyante.
Wala naman naghatag sang detalye si Diwata angut sa iya pagkadakop bangud sa karon nga kaso nga iya ginapangatubang. Apang suno sa iya, temporaryo ini nga ginhilway matapos naka-piyansa sang P60,000 makaligad ang 24 kaoras matapos siya nga gindakop.
Madumduman nga sadtong Abril 2024, nadakpan man si Diwata bangud sa kaso nga slight physical injuries nga ginpasaka sadtong 2018, may kaangtanan sa iya gin-alegar pagpang-atake sa isa ka construction worker sa Pasay City.
Una nga nangin bantog si Diwata matapos nag-viral ang negosyo sini nga pares bangud sa overloaded servings sa barato nga presyo.
Sang ulihi, nangin kabahin man siya sang cast sang isa ka sikat nga teleserye.
