Nagpanawagan si Vice President Sara Duterte sa mga Pinoy nga mangin aligmat sa mga pagtinguha nga mag-pervert sang hustisya kadungan sang una nga anibersaryo sang pagkadakop kay Former President Rodrigo Duterte.
Sa iya mensahe, naghatag man sang pahanumdom ang Bise Presidente nga ang extraordinary rendition ukon pagkidnap kay duterte indi dapat himuon nga hinganiban para sa pulitika ukon personal nga interes.
Suno sa iya, ang pagtapak sa kinamatarong sang isa ka indibidwal ang makabig nga pag-atake sa hustisya.
Kaangot sini, nagpanawagan man si Duterte sa mga Pinoy nga magpabilin nga hilway, loyal kag mabakod sa institusyon kag ginpahayag nga wala sang sin-o man nga dapat ipanghiwala sa proteksyon sang kasuguan.
Matandaan nga sang Marso 11, 2025, gindakop si Former President Duterte matapos mag-abot sa Ninoy Aquino International Airport (NAIA) Terminal 3 halin sa Hong Kong pinaagi sa sa arrest warrant nga gin-isyu sang International Criminal Court (ICC) bangud sa gina-alegar crimes against humanity nga may kaangtanan sa mga pagpamatay sa idalum sang iya administrasyon sa war on drugs.
