Pagapangunahan ni Vice President Sara Duterte ang pagtililipon sa The Hague, Netherlands subong nga Mayo 31, kadungan sang iya ika-47 nga kaadlawan.
Katuyuan sang nasambit nga pagtililipon nga mahaylo ang International Criminal Court (ICC) nga hilwayon sa prisuhan ang anay presidente.
Ang nasambit nga pagtililipon ang gin-organisar sang mga Filipino communities sa Europe sa diin may mga Filipino pa nga nagbiyahe gikan sa iban nga bahin sang Europe agud magtambong sa nasambit nga pagtililipon.
Kaupod sang Bise Presidente ang iya iloy nga si Elizabeth Zimmerman kun sa diin ila ginbisita ang anay presidente sa selda sini sa prisuhan.
Madumduman nga Marso 11 sang nadakpan ang anay presidente sang ICC bangud sang iya maduguon nga kampanya batok sa iligal nga droga.
