ROXAS CITY – Wala napatay nga kandila ang rason sang pagkasunog sa puloy-an ni incumbent Board Member Blesilda “ging-ging” Almalbis sadtong Martes matapos ang eleksyon.
Ini ang ginpahayag ni deputy city fire marshal SFO2 Marlon Garbo matapos ang ginpatigayon nga imbestigasyon sang Roxas City Fire Station.
Suno kay Garbo gikan ang kalayo sa isa ka nakasindi nga kandila sa altar sa sulod mismo sang kwarto ni Almalbis sa diin malapit ini sa ila aircon rason nga madasig naglapta ang kalayo.
Ginpahayag ni Garbo nga nag santu man ang ginsugid sa ila sang pamilya Almalbis sa ginpaguwa nga imbestigasyon nga may yara sang nakasindi nga kandila nga wala napatay bangud ginapahayag nga naglain ang pamatyag sang kag gindala sa ospital rason nga wala na nila ini nadiparahan.
Bangud sini madasig nga naglapta ang kalayo kag nangin partially burned ang kwarto sang pamilya Almalbis.
Nahibaluan nga naglab-ot sa 300 mil pesos ang nangin kahalitan sang nasambit nga sunog.
Samtang, aminado naman ang mga bumbero sang Roxas City Fire Station nga madasig naman nila ginrespondehan ang sunog rason nga wala na naglapta ang kalayo sa bug-os nga panimalay sang Pamilya Almalbis.
