ROXAS CITY – Nabatyagan ang 105 ka mga aftershocks,matapos ang nag-igu nga magnitude 6.7 nga linog sa Taiwan, sang Miyerkules nga adlaw, Marso 23.
Sa interview sang Bombo Radyo kay Dr. Reynand Dumala-on, Bombo International Correspondent sa Taiwan, suno diri nga mabatyagan pa tubtob sa karon ang mga aftershocks nga tuga sang linog.
Suno sa panaysayon ni Dumala-on, nakabugtaw ini sa alarm alas 2 sang kaaganhon, kag minutos ang nakaligad nabatyagan sini ang linog apang, wala niya ini ginsapak bangud normal lang sa ila nga lugar ang maka-ekperensiya sang linog bangud isa ini ka epicenter nga lugar.
Dugang pa sini, nga mas makusog ang nabatyagan nga pagtay-og sa Southern Taiwan partikular na sa Hualien County kun sa din narumpag ang ginakay-o nga tulay kag nakabalhag sang napilasan bangud sa nahulugan sang guba nga window glass, apang yara na sa hilway nga estado.
Base sa nangin obserbasyon ni Dumala-on madasig ang pagresponde sang Taiwan sa nangin kahalitan sang amo nga kalamidad bangud man ini sa well developed nga teknolohiya kun sa din may yara sila sang alarm system nga naga-alerto sa mga ahensya ilabi na ang emergency unit.
Ginpabugal man sini nga ang Taiwan ang pinakadako nga pungsod nga nagasuplay sang computer chips sa bug-os Southeast Nation.
