ROXAS CITY, CAPIZ – 15 sa 370 ka mga local candidates sa Capiz sang nagligad nga midterm elections ang napaslawan nga mag-file sang ila Statement of Contributions and Expenditures (SOCE).
Ang deadline ang natalana sang Hunyo 11.
Suno kay Atty. Tictac Villanueva, Commission on Elections -Provincial Election Supervisor, may yara sang administrative fines nga igahatag sa mga wala makapasa sang SOCE.
Sa idalom sang layi, nagakadapat nga makapasa sang SOCE ang kandidato sa sulod sang 30 ka adlaw matapos ang eleksyon — nagdaog man ini ukon napyerde.
Ang mga nagdaog nga kandidato ang indi makapungko sa ila pwesto kun wala sila makapasa sang SOCE sa Comelec.
Ginpahayag ni Villanueva nga indi bastante ang pagsumpa sang kandidato agud makapungko sa posisyon kun wala ini naka-comply sang iya nga SOCE.
