ROXAS CITY – Nakaluwas ang 17 ka magparyente gikan sa nagkulob nga motor banca sa selebrasyon sang kapistahan ni San Juan Bautista.
Padulong kuntani sila sa Isla sang Mantalinga sa Roxas City apang antes sila nakalab-ot sa lugar nagkulob na ang bangka nga MB Edna.
Suno kay PCG Station Commander Micheal Andag nga ba-se sa imbestigasyon, malapit na lamang makalab-ot sa Isla sang Mantalinga ang magpatyente apang hinali nga naglumpat malapit sa may katig ang isa sa mga nakasakay rason nga na-outbalanced ang bangka kag nagkulob.
Samtang suno naman kay Mansueto Barsallo Jr., bana sang isa sa mga nakasakay sa bangka nga ginpunggan pa sini ang iya mga himata kalakip ang asawa kag anak nga indi na lamang magdayon, apang gindayon nila sa gihapon ang pagpadulong sa Isla ng Mantalinga para didto ipadayon ang ila selebrasyon sang San Juan Bautista.
Nagpanindugan ang mister nga indi overloaded ang nasambit nga motorbanca bangud lunsay mga tao lamang ang sakay sini kag wala sang lambat nga dala.
Samtang matapos ma-rescue ang mga sakay gilayon ginhatagan sang first aid ang mga biktima labi na ang mga bata nga nakainum sang tubig dagat.
