LIBAS ROXAS CITY – Ginakabig nga isa ka dako nga problema ang 18-anyos lalaki nga ginapahayag gabunan nga kawatan sa ila lugar, matapos akto nga madakpan nga nagapangawat sa isa ka sakayan sa Barangay Libas, Roxas City.
Sa interview sang Bombo Radyo kay Barangay Kagawad Cesar Arrolado, ginpahayag sini nga ang amu nga persona ang ginkilala kay Ronald Tamban alyas “Boklan”, kag residente sang Purok I sa nasambit nga lugar.
Suno kay Brgy. Kgwd. Arrolado, dakop sa akto nga may mga bitbit nga sansalon si Tamban kung sa diin ginsulod sini ang isa ka bodega kag sakayan agud magpangita sang sansalon nga iya ginapakilo.
Mahibaluan nga indi ini ang una nga bes nga ila nadakpan si Tamban bangud suno kay Arrolado madugay na nila ini nga problema sa ila lugar bangud sumugod pa sadtong menor de edad pa lamang ini kasubong man nga kaso ang iya ginakaulamiran.
Dugang pa sini nga ginpalab-ot na nila sa ginikanan sang suspek ang natabo apang napaslawan sila nga maka-istorya bangud sa tion nga ila ini ipatawag sa barangay wala sang may nagatambong.
Sa karun, nagapabilin si Tamban sa paghinakop sang Roxas City PNP para sa nagakaigo nga disposisyon.
