Napasakaan na sang kaso nga paglapas sa R.A. 10591 ukon “Comprehensive Law on Firearms and Ammunitions Regulation Act” kag R.A. 9165 ukon “Comprehensive Dangerous Drugs Act of 2002” ang 18-anyos nga lalaki nga nakuhaan sang indi lisensyado nga armas-luthang kag illegal nga droga sa Barangay Mongpong, Roxas City.
Matandaan nga ginkilala ang amo nga suspetsado kay alyas “Jan-Jan”, 18-anyos kag residente sang New Rd., Brgy. Banica sa sini nga syudad.
Nakuha sa paghinakop sang suspek ang 11 sachets nga shabu nga may kabug-aton nga 135 gramos, may standard drug price nga kapin P938,000, P500 nga buybust money, P10,500 boodle money, isa ka 12-gauge shutgun, isa ka magazine, tatlo ka live ammunition, kag mga paraphernalias.
Wala naman ini sang ginpakita nga dokumento sa mga kapulisan sa nakuha nga armas-luthang sa iya paghinakop.
Nagpositibo naman ini sa drug test.
Sa karon, nagapabilin si alyas “Jan-Jan” sa kustodiya sang mga otoridad para sa nagakaigo nga disposisyon.
