PRESIDENT ROXAS, CAPIZ– Arestado ang duha ka mga persona matapos nga nadakpan sa ginkasa nga drug buybust operation sang gintingub nga puwersa sang Provincial Drug Enforcement Unit sang Capiz Police Provincial Office kag Station Drug Enforcement Team sang President Roxas Municipal Police Station sa Locsin Village, Barangay Poblacion Swa, President Roxas, Capiz.
Ginkilala ang mga naaresto nga sanday Danilo Sogello 48-anyos kag Lenard Borlado, 24-anyos, lunsay mga residente sang nasambit nga lugar.
Narekober sa posesyon sang mga ini ang 10 ka sachets sang ginapatihan shabu nga ginapahayag nagabalor sang P5, 000, P500 nga marked money, cellphone kag P1, 500 nga cash.
Nakahunong na karon sa karsel sang President Roxas Municipal Police Station ang mga drug suspek kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
