-- ADVERTISEMENT --
ROXAS CITY -Ginakostodiya karon sang Ivisan Municipal Police Station ang duha ka menor de edad nga nadakpan nga nagmotornap sang motorsiklo sang isa ka mekaniko sa Barangay Cudian,Ivisan, Capiz.
Nahibaluan nga ginbilin sang mekaniko nga si Danilo Arciga 52-anyos, ang iya nga motor sa ila balay bangud may yara ini sang ginkadtuan, apang nagbalik matapos nadumduman nga wala ma-lock ang motorsiklo.
Apang nadiskubrehan sini sa iya nga pagbalik nga wala na ang motorsiklo kag may nakasugid nga ginsakyan ini sang duha ka menor de edad.
Ginlagas ni Arciga ang mga suspek sa diin iya naabtan sa isa ka gasoline station sa Barangay Cagay.
Sa bulig man sang mga tanod nadakpan ang mga menor de edad kag ginturn over sa Ivisan Municipal Police Station.
-- ADVERTISEMENT --
