ROXAS CITY – Nagapabilin karon sa kustodiya sang Roxas City Police Station ang duha ka mga cell cite foreman matapos nga ginaalegar naglapas sa ginpatuman nga curfew hours sa Barangay Dayao, Roxas City.
Ginkilala ang mga arestado nga sanday Oliver Dalaguit 39-anyos sang Dumaguete City kag Cristobal Dela Cruz 32-anyos sang Don Salvador Benedicto.
Mahibaluan nga yara sa idalom sang impluwensiya sang makahulubog nga ilimnon ang duha sang ginsita sang mga opisyales sang amo nga barangay.
Nagpakatig-a pa ang duha rason nga napilitan si barangay kagawad Batuampo nga magpanawag sang mga pulis agud madakpan ang mga ini.
Mahibaluan nga ginapatuman sa karon sa bilog nga probinsiya sang Capiz ang curfew hours humalin alas 8 sa gab-i tubtob alas 5 sa aga base sa Executive Order No. 11, series of 2020 nga ginpapanaog ni Capiz Governor Esteban Evan Contreras.
